笑到最后｜8成人应造定存（高明）

今日新闻 2024年10月27日 18:13 917 郑佳佳_1

当投资者只选择相信自己想睇嘅资讯，会忽略市场走势嘅变化。 (urbancow via Getty Images)

上星期本栏写「今年必上四万三」，星期一道指已经到价，本栏又中，点解本栏成日都中？可唔可以畀我错返次？

下载财经APP

美股外币即时报价多国新闻任睇

主观解读係通病

不过，高明留意到上星期文章出街，社交媒体有接近8成留言误以为高明讲恒指。比例其实都几乎合80/20法则，8成人输钱。

事实上，恒指点数上同43000相距甚远；加上揿个掣入去睇篇文唔难知道。发生呢啲事，其实毋须太自责，因为大部份人都係咁。

喺心理学上，一般人主观咁解读自己想睇嘅嘢可以用确认偏差（confirmation bias）嚟解释。呢种偏误係指人会倾向于只接受同佢哋已经持有嘅观点一致嘅资讯，忽略同自己观点唔一致嘅证据。好似写「今年必上四万三」讲道指时，某啲读者已经预设咗恒指嘅资讯，从而忽略其他可能性。

事实上，恒指点数上同43000相距甚远.... (NurPhoto via Getty Images)偏见影响判断招损失

行为经济学嘅研究亦指出，当人们作出投资决策时，呢种偏见会进一步影响判断。例如，投资者会更加注意到支持自己投资决定嘅资料，而忽视反对嘅证据，令佢哋喺市场风险变高时继续持有错误嘅投资策略，最终导致损失。这种行为称为自我归因偏差（self-attribution bias），即人们会高估自己对某件事嘅理解力或者技术能力，并倾向于过度自信。

研究发现，当投资者只选择相信自己想睇嘅资讯，会忽略市场走势嘅变化，特别係危机前嘅信号。例如2008年金融危机前，有不少投资者因为过度相信市场稳定，而忽视经济泡沫嘅风险，导致严重损失。行为经济学家Daniel Kahneman 同 Amos Tversky 已经提出，呢种经验性偏见（experiential bias）会令投资者过度依赖最近经历，特别喺投资环境有变化时更容易作出错误决策。

大多数投资者往往会只留意支持自己观点嘅资讯，忽视与自己观点唔一致嘅数据。例如喺一个牛市环境下，投资者可能会过度乐观，忽略市场泡沫嘅风险，甚至会错过市场下行嘅信号。正係确认偏差嘅结果，导致大部分人错过转变市场策略嘅机会。

相比之下，少数赢家通常能够更全面分析市场动向，并根据实际数据同趋势作出理性判断。呢啲人会更深入分析基本面、技术分析同市场情绪，而唔会只依赖自己嘅直觉或片面嘅资讯。

80/20法则广泛应用喺财富分布上，但香港真係一块福地，即使唔适合任何投资，仲有最强複利息工具定存。本栏苦口婆心讲多句：唔适合投资，造定存啦。

高明

facebook

作者简介︰赚钱係目标，炒股係手段，专栏记载由手段到目标嘅过程。

本栏逢周六刊出

热门新闻