东张西望｜廖倬竩採访遭大吼兼险被地拖打发文称「惊到有啲手震」网民：睇见都惊

今日新闻 2024年10月27日 14:13 195 facai369

《东张西望》主持廖倬竩

TVB资讯节目《东张西望》近年报导唔少社会时事及民生议题等议题，获得大众关注。节目不时派出女主持进行外景拍摄，不过有时都会与遇到情绪唔稳定嘅受访者，好似前主持利颖怡曾採访「老鼠屋」业主，追访期间被用手推车攻击及「批踭」。前日（15日）报道关于一名婆婆将30个行李箱放满深水埗公园及后巷，期间外景主持廖倬竩（Ivy）上前了解原因及表示想帮助佢，但却被婆婆大吼及用地拖作势打人，僵持数秒后，Ivy及摄製队只好离开现场。

「东张女神」廖倬竩前日报道关于一名婆婆将30个行李箱放满深水埗公园及后巷嘅事件，喺上前了解时遭到婆婆不礼貌对待，婆婆首先大吼「搵第二个啦！唔该你，搵第二个呀！唔该你，唔好骚扰我呀！」之后，廖倬竩打算表明来意，但被婆婆拒绝：「唔好嗌呀！走呀！」，婆婆其后再拎出地拖步步进逼，廖倬竩及摄製队唯有不停后退，廖倬竩向婆婆表示：「其实我哋係想帮你嘅啫」，婆婆最终都冇透露情况，所以佢哋只好离开。

事后，廖倬竩亦有喺社交网站分享感受：「我嗰日惊到有啲手震... 婆婆情绪唔係好稳定，气沖沖咁攞住把地拖就向我哋嘅头揈... 当时好声好气咁样同个婆讲嘢都冇用。」唔少网民都由留言慰问，例如「睇见都惊小心些加油」、「其实已反映弱势给公众去关注, 已帮到了, 只是阿婆不明白你们的苦心！」、「最紧要保护好自己」及「小心安全ar」等等；不过亦有网民唔认同节目组做法，留言话「其实如果想帮人，有冇谂过人哋想唔想上镜，或者咁高调？唔係个个穷人都唔需要面子。」及「你个节目恰啲孤独老人就叻」等等。

另外，喺噚日（16日），节目组摄影师报案，指喺葵涌德大径一间超级市场与一男一女争执，期间被对方袭击及毁坏摄影机。警员到场后，分别以涉嫌刑事毁坏及袭击致造成身体伤害及普通袭击，拘捕一名70岁男子及一名66岁女子。