姚焯菲Chantel新西兰被野生捕获近照曝光网民：面圆圆好可爱

今日新闻 2024年10月25日 20:54 780 facai369

姚焯菲

「声梦小花」姚焯菲（Chantel）喺TVB歌唱选秀节目《声梦传奇》获得亚军后入行，贵为人气王嘅佢拥有唔少粉丝，不过佢上年年初选择远赴新西兰留学，令唔少粉丝不捨。较早前佢返香港完成演唱会后便返回当地升学，兼渡过18岁生日。当时Chantel都有上载庆生照片到社交网站与网民分享，唔少粉丝都留言隔空送上祝福。日前，有网民喺小红书分享与Chantel嘅合照，Chantel嘅babyfat身型好吸晴。

样靓声甜嘅姚焯菲，日前喺新西兰被网民野生捕获，并将与其合照上载到小红书，并留言表示行出餐厅就偶遇Chantel，并大讚佢「人靓声甜，超级nice」，相片中嘅Chantel以素颜示人，睇落非常青春可人，着上粉红色露肩上衣，不过佢睇落就明显发福咗，除咗块面比以往圆碌碌之外，身形都好似胀咗。唔少网民都留意到Chantel好似发福咗，留言话：「胖了不少，差点没认出她来」、「素颜皮肤好靓，係髮型问题啫，只是圆润了一些」；不过亦有网民觉得Chantel依然靓女，留言话「素颜的Chantel耶～皮肤状态蛮好了已经」、「好可爱」、「我几锺意佢，嗰样好甜」及「人好看穿什么都好看的啦」等等。