欧倩怡因「痰罐事件」言论喊咗3日3夜澄清「等钱使」讲法承认卖车为悭钱

今日新闻 2024年10月25日 20:52 736 facai369

欧倩怡

欧倩怡Cindy同郭晋安5月宣布离婚后再次活跃幕前，Cindy之后喺网上节目自爆多年前曾经患上重感冒，声称身边人懒理佢又晕又呕都冇叫十字车，仲话自己之后揽住痰罐晕咗。呢段经历引起外界哗然，加上郭晋安同家姐创立嘅保健品公司早前上市，披露郭晋安将股份转移俾家姐，令网民思疑安仔係咪避免被「分身家」。郭晋安其后回应「痰罐」事件，强调屋企冇痰罐，令欧倩怡反而成为众矢之的。欧倩怡其后回应，对于失言话「以后会小心啲」，仲承认因为要交租而「等钱使」，但对于赡养费问题，佢就封口不提。

欧倩怡喺《丝打围炉》嘅言论惹来非议

至于上次唔肯讲嘅赡养费问题，欧倩怡今次都係唔讲，只係话会努力工作，唔会好似以前咁恋爱大过天。咁係咪「等钱使」？Cindy澄清自己只係话成个经济环境唔好，大家都辛苦，重申自己三餐一宿有着落。但为咗悭钱，欧倩怡最近决定卖咗代步私家车。Cindy对于係咪全面复出做幕前，就话要睇机会，因为好多女艺人后生靓女之余仲高学历同识演戏，竞争好大。

按此下载全新 APP，睇尽最新娱乐新闻、乐坛消息、名人热话、热门电影、Netflix剧评，新人更可即时换领限量新人礼，立即下载！

其他人也在看