伍仲衡疑激嬲TVB被叫停《中年》评判工作参赛者唔开名暗嘲：当正自己係要比人供奉

旅游购物 2024年12月10日 16:23 768 访客

伍仲衡疑激嬲TVB被叫停《中年》评判工作参赛者唔开名暗嘲：当正自己係要比人供奉着名音乐人伍仲衡为TVB歌唱真人骚《中年好声音》担任评判后人气急升，上月与同为11月21日生日嘅「中一生」颜志恒举行生日会。于生日会上，伍仲衡宣布已与《校园好声音-唱响中国》大学生歌唱比赛冠军洪心怡签约，认为对方好有潜质，同佢签约係最好嘅生日礼物，自己会负责音乐方面，太太则会负责做经理人工作。不过，有媒体收到消息，指伍仲衡此举疑惹怒TVB高层，更传出TVB即时叫停伍仲衡《中年好声音3》评判工作。而伍仲衡表示自己喺生日会后收到电话通知下次录影唔需要佢，不过佢就话TVB冇讲原因。消息传出后，《中年好声音3》参赛者李玥颖就喺Threads出PO，表示自己喺参赛时被其中一位评判发炮，佢冇指名道姓係边个，只係写嗰个人被炒：「见到新闻有人被炒，心𥚃百般知味，好似天气一样有点凉。《中年好声音》无疑的确係一个珍贵体验，呆等十几个钟，个妆由fresh 到出油，不停练习，鼓起勇气，出到个台唱，眼见面前台下几位同我一样被迫营业嘅精神状态，台上嘅我其实明白评判都也只係呢个节目其中一个齿轮，佢哋都係返工啫，直至到今次新闻人物，係我唱完唒成只歌先戴headphone，仍在台上嘅我，忍唔住自己嘅面部表情「西」咗一下面，喂你冇认真听，你都扮下野吖，咁大个人唔係输赢嘅问题，而係互相尊重。肥妈的确係呢个节目嘅中轴，不时过嚟后台比鼓励参赛者，亲民冇架子，好过其他人真係当正自己係要比人供奉，对D参赛者理所当然，完咗录影之后，一直不是味儿，见好多其他同学仔有写千字文，我都心有余悸。多谢呢个节目嘅体验机会，幕后人员製作认真，可惜幕前演员演出唔够专业，对音乐同参赛者欠一个交代，余下盲撑嘅人，终会有醒觉嘅一天。」伍仲衡李玥颖Threads李玥颖Threads伍仲衡伍仲衡伍仲衡《中年好声音3》截图按此下载全新 APP，睇尽最新娱乐新闻、乐坛消息、名人热话、热门电影、Netflix剧评，新人更可换领限量新人礼，立即下载！其他人也在看