35岁刘佩玥被网民于西贡野生捕获疑与圈中绯闻男友约会撞到正

旅游购物 2024年10月25日 13:11 433 facai369

刘佩玥

TVB当家花旦之一刘佩玥（Moon），2013年香港小姐季军出身，入行以嚟多次喺演艺路上寻求突破，例如《四个女仔三个BAR》乖乖女见习事务律师Holly、《幕后玩家》「最强小三」Emma、《降魔的》啤啤及《隐形战队》「最美狙击手」 Shadow等等，被观众大讚有进步兼且将角色诠释到位。除咗佢嘅演技之外，唔少网民亦着眼于佢嘅绯闻身上。近日有网民喺西贡疑似野生捕获Moon与绯闻男友约会，并将图片上载到小红书。

现年35岁嘅刘佩玥多年嚟绯闻不绝，先后与黄又南、翟威廉、黄子恆及伍允龙等传出绯闻；另外亦曾传出已故赌王何鸿燊儿子何猷亨深夜探班，力追刘佩玥，但刘佩玥同样否认。近年刘佩玥就只与周志文传绯闻，即使二人从未公开承认恋情，仅以好朋友相称，但已被外界视为一对。近日有网民喺小红书以「猜我在西贡又遇到哪些TVB明星？」出PO，上载一张一男一女喺街头肩并肩同行嘅背影照片，并写上「又去西贡散下心，又遇到TVB明星，看背影谁能猜到他们是谁？」之后再喺留言区爆料指相中嘅男女係刘佩玥及周志文。照片曝光后，一班网民除咗对二人仲喺埋一齐表示惊讶；同时认为周志文贴心拎袋係男友力大爆发。